Kawlphetha man tihsan tum dodal

ZPM Ṭhalai chuan thuchhuah siamin, Mizoram sorkarin kawlphetha hman man 21.05%-a tihsan tuma ruahmanna a siam chu mipui hmangaih loh vanga an ngaih thu leh an dodal thu an tarlang.

ZPM ṭhalaite chuan, CM Zoramthanga’n ‘Kan budget hi kan bai thei a, kan chhûm thei a, kan kang thei bawk’ tiin pawisa tam thu a sawi tih sawiin, “Sorkar hnathawkte hlawh phuhrûkna tura kawlphetha hman man tihsan a rawt hi mipui hmangaih loh vangah kan ngai. MNF kaihhruai Mizoram sorkar hi mipui phurrit siamsak kawnga chêt a chak hle ṭhin hi insúm deuh turin kan chah a ni,” an ti.