Khawzawl dist-ah ráltlân 54 awm mek

Khawzawl District Committee on Myanmar Refugees chu an chairman CC Lalchhuangkima, bawrhsap hoin nimin khan DC conference hall-ah a vawi khat nan an ṭhukhawm a; Khawzawl district-ah Myanmar ráltlân 54 awm mek mah se ráltlân camp buatsaih a la awm loh thu an tarlang.

Ṭhutkhawmah hian ráltlânte’n Covid-19 vaccine an lak ngei theih nan ruahmanna siam ni se an ti a; ráltlânte tlawha medical officer-te nen inráwn chunga ruahmanna siam turin additional DC Lalrohlua leh SDO (Sadar) James Lalnithanga te an ruat.

Tarlan danin, Khawzawl district-a Khawzawl, Chhawrtui, Chawngtlai, Tualpui leh Tlangmawi khuaahte Myanmar ráltlân 54 an awm mek a; chu’ngte chu an chhungte bèl leh mahnia intungnung thei an nih hlawm avangin a hranpaa refugee camp siam a awm lo. Mizoram sorkar aṭangin ráltlânte puih nan Rs 39,719 sem a ni tawh.