Haulawng-Pukpui inkara Lirthei tlân theih hun siam

Aizawl-Lunglei World Bank Road-a Haulawng-Pukpui inkar kawngpui chu thawm ṭhat hna thawh mek a nih avangin, chak leh ṭha zawka siam a nih theih nan Lunglei SP C Lalthanmawia chuan kawngpui khâr hun leh lirthei tlân theih hun a ruahman a; ruahmanna chu zâwm vek turin mi tin a ngen.

Kawngpui hi lirthei laihâwl (MMV - ke paruk) leh a aia tête tan chhun dar 12:30 leh dar 2:00 inkar leh tlai/zan dar 5:30-8:00 inkarah hawn a ni dawn a, zing dar 8:00 aṭanga chhun dar 12:30 inkar leh, chawhnu dar 2:00 aṭanga tlai dar 5:30 inkar khâr a ni dawn. Lirthei lian chi (ke pariat nei leh a chung lam) tan zing dar 8:00 aṭanga zan dar 8:00 khâr a ni ang a, zan dar 8:00 aṭanga a tuk zing dar 8:00 inkar hawn a ni ang.

He thupek hi Feb­ruary 15, 2020-a hman ṭan tur niin, thupek thar siam leh hma zawng chu hman tura tih a ni a; hriat lâwk loh thil pawimawh zual bik (emergency case) damlo na zual kalpui ngei ngai leh chhiattawhna thilah chuan phone no. 9862803219 / 8974362219 / 7005177037 / 9862416434 / 8974771800-ahte dil hmasak tur a ni.