Governor-in Prime Minister a kâwm

Governor Kummanam Rajasekharan chuan September 23, Thawhṭanni khan prime minister Narendra Modi chu a pisaah a kâwm a; Mizo­rama inbiakpawhna leh intlawhpawhna lama harsatna hrang hrangte a sawipui.

Larsap chuan, Indo-Myanmar leh Indo-Bangladesh ramri hrûla kawngpui Border Roads Organisation (BRO)-te enkawl siamṭhat a ngaih pawimawh thu chu sawiin, Prime Minister hnenah lehkha a thehlut nghal. Kawnpui-Durtlang-Aizawl kawng leh Sairang-Tuipuibari kawngte NH double lane specification mila zauh an nih theih nan hmalakpui turin a ngen bawk.

Sorkar thuchhuah tarlan danin, Prime Mi­nis­ter hian Governor ngenna chu ngai pawimawhin, connectivity chungchanga harsatnate chu sukiang tura theihtawp chhuahpui a tiam a; Mizoram mi­pui harsatna chu a hriat­thiampui thu leh ram hmasawnna tura ṭanpui a inhuam thu a sawi a ni.