Rinliana chungthu an la ngaihtuah lo

Mizoram Pradesh Congress Committee (MPCC) Disciplinary Action Committee (DAC) chairman C Lalpianthanga chuan, MPCC general secretary Lalrinliana Sailo, MLA chungchang an la ngaihtuah loh thu a sawi.

Lalrinliana Sailo-in tun hnaia media hmaa a thu sawi ṭhin avangin a chungchang an ngaihtuah leh ngaihtuah loh Vanglaini palaiin a zawhna chhangin MPCC DAC Chairman chuan, "A chungchang ngaihtuah turin kan la ṭhukhawm lo. Kan hruaitu leh DAC-in ngaihtuah ṭul an tih chuan kan la ṭhukhawm ang chu. Tunah chuan engmah kan la ngaihtuah lo," a ti.