ZPM vanga thlamuangah ngai

Ṭangrual pawl Zoram Peoples' Movement (ZPM) chuan thuchhuah siamin, ZPM a pian hnuah sakhaw p­uithiamte thla a muang niin an tarlang.

ZPM chuan, Mizoram politics vangin ram veitu leh kohhran mi, sakhaw puithiamte ram hmasawnna tak tak duhtute bei a dawng tawh tih sawiin, "Hun rei tak ata tawh siamṭhat leh theih ni pawha an rin tawh loh chu ZPM a pian hnuah beiseina leh rinna nei thar an nei leh a, mite thinlungah ram siamṭhat hna thawh leh duhna thinlung a lo piang thar leh ta a ni," an ti a; mipui leh sakhaw puithiamte beiseina tihlawhtling turin Zoram dung leh vângah theihtawp an chhuah mek thu an sawi.

ZPM chuan, All Mizoram Farmers’ Union (AMFU)-in September 28, 2018-a Aizawla 'Kut hnathawktute chhanchhuahna kawngzawh' neih an tum chu thinlung taka a thlâwp thu an tarlang bawk.