Ramri sawiho

Nimin khan Aijal Club-ah India (Mizoram sector) - Bangladesh Joint Boundary Conference (IBJBC) neih a ni a; India sorkar aiawh, Bangladesh sorkar aiawh leh Mizoram sorkar official-te'n ramri chungchang an sawiho.

Meeting-ah hian, nikuma Dhaka khawpuia IBJBC-in thutlukna leh rawtna a lo siam tawhte thlirho a ni a, ramri chhinchhiahna ban (boundary pillar) phun chungchanga Border Security Force (BSF) leh Border Guard Bangladesh (BGG)-te'n joint report an thehluhte sawiho a nih bakah, kum 2018-19 chhunga field session neih dan tur rêl a ni.

India-Bangladesh Border (IBB) huang chhunga mawhphurhna leh chanvo insem dan te, Global Navigation Satellite Systems (GNSS) hmanga border post (BP) vil chungchang te, Joint Boundary Conference neih leh hun tur leh thil pawimawh hrang hrang dang sawiho a ni bawk.