CM Hawla Court-ah a inlan lo

Serchhip District Court-a chief judicial ma­gis­trate (CJM) Lal­ngaihmawia Zote chuan nimin khan chief minister Lal Thanhawla chu kum 2013 Assembly inthlan dawna false affidavit thehluta puh a nih chungchanga Court-a inlan turin a ko a, mahse, Lal Thanhawla chu a inlan lo. Hei vang Court chuan October 25, 2018-a inlan turin a ko leh.

Nimin kha false affidavit chungchanga thubuai thehluttu ukilte'n Lal Thanhawla thu an zawh­fiah hun tura ruat a ni. Lalhriatrenga Chhang­te ukilte chuan Lal Than­hawla a inlan loh avang hian sawi tur a nei lo nia ngaiin, thu zawhfiah hun pe tawh lo turin CJM an ngen a; mahse, CJM chuan remtihsak loin, Lal Than­hawla chu October 25-a inlan turin a ko leh a ni.