Champhaiah zirna-in leh pisa khâr
MZP Headquaters, Champhai chuan Champhai District Hospital-ah doctor dah belh tura sorkar an phûtna tihhlawhtlin a nih loh avangin sorkar nawr nan nimin khan Champhaia zirna-in zawng zawng leh sorkar pisa zawng zawng an dang.
Champhai aṭanga thu dawn danin, nimina lungawi lohna lantirah hian buaina leh harsatna lian tham thleng a awm lo a, boruak a muanawm rih. Champhai MZP hian ruahmanna an siam dan chuan, October 1, Thawhṭanniah zirna-in leh sorkar pisa an khâr chhunzawm ang a, chu bakah college leh higher secondary school zirlaite'n kawng an zawh dawn. Chumi chhunga an ngenna a hlawhtlin loh chuan a ṭul anga total bandh huaihawt an tum bawk a ni.