World Day of Deaf hmang
Nimin khan Assembly Annexe conference hall-ah World Day of Deaf hman a ni a, Health minister Lal Thanzara'n a hmanpui. Thupui chu 'Zaizir nen chuan kan vaiin kan tel tlang vek thei’ tih a ni.
Health Minister chuan, World Day of Deaf thupuiin a ken tak pawimawh tak chu zaizir, sign language zir thiam a nih thu sawiin, "Zaizir, sign language hman ṭangkai a nih phawt chuan, beng lama harsatna neite pawh engkimah tel ve thei a, beng lama harsatna nei lote tih ang chu buaina awm miah loin an ti vek thei dawn tihna a ni," a ti.
Sorkarin ri hriatna lama harsatna neite a ngaih pawimawh thu sawiin Lal Thanzara chuan, "National Health Mission hnuaiah kum 2014 khan,
National Programme for Prevention and Control of Deafness (NPPCD) a din a ni," a ti a; NPPCD kaltlangin district hospital hrang hrangah medical officer, audiologist, audiometric assistant leh hearing instructor-te dah an nih thu a sawi.
Health Minister hian ‘Certificate course on Evidence Based Management of Diabetes’ zir chhuak doctor 17 hnenah certificate a hlan nghal. Audiologist Lalrinfeli'n zaizir, sign language pawimawhna a lem nen a sawifiah bawk.