Ina inenkawlte kaihhruaina tichhuak

Indian Council of Medical Research (ICMR) chuan Covid-19 vei, in lama inenkawl (home isolation)-te tana hriat tur inkaihhruaina a tichhuak a, home isolation-a awmte tan task force-te kaltlangin emaw, Health department helpline no. 102/0389-2323336/0389-2322336/0389-2318336-ah emaw doctor ràwn tur a nih thu tarlan a ni.

ICMR INKAIHHRUAINA

Home isolation-a awm theite
1. Symptom nei lo leh symptom nei nasa lo, khawsik/lu ná/hrawk thîp, thâwk lama harsatna nei lo leh oxygen level 93% aia sang nei. Isolation hun chhunga hri vei ve lote’n an ṭâwmpui loh tur mamawhte nei hrang thei leh viltu (caregiver) nei thei.
2. Mahni ina inkhung hran remchang lote chu CCC/CCCC//paying CCC-ah dah theih a ni.
3. Home isolation ti mek awmna chhungkaw member zingah hripui vei hnaih an awm chuan, a hnaihtu chu symptom nei lo a nih a, co-morbidity nei emaw, kum 60 aia upa a nih loh chuan swab test kher a ngai lo.
4. Co-morbidity nei, kum upa, thisen sang, zunthlum, chuap ṭha lo, chuapna benvawn, TB, cancer, kal ṭha lo, kal thlak, thin ṭha lo (hepatitis B&C), HIV+ve, lung ná neite chu a rang thei ang berin LTF/VTF kaltlangin doctor hnenah inhriattir vat tur.
5. Khawsik leh lu ná, hrawk thîp, chhan sawi tur awm loa taksa sil ṭhém ṭhúm, thaw-hah/thâwk lama harsatna nei, rim hriatna kiam (Omicron-ah a tam lo)-te chu swab test vat tur a ni.

Home isolation-a awmte zawm tur
1. Chaw ei ṭhat, soup leh thei tui lam in fo a ṭha.
2. Oxygen hîp luh/thâwk dan tihṭhat nan bawkkhupin thûk tak thlenga thâwk luh (boruak hîp) ṭhin tur.
3. A ṭul chuan darkar 6 danah paracetamol leh khuh damdawi ei tur.
4. Tui lum chi al hmanga hrawk ṭhuah te, tui hû hîp (steam inhalation) tih ṭhin tur.
5. Doctor thu loin antibiotic damdawi bakah, remdesivir, budesonide nebulizer, oxygen cylinder leh CT-scan hman/tih loh tur.
6. Ni li aia rei symptom a awm chuan doctor-in a chawh ang zel chauhin Budesonide Metered Dose Inhaler (MDI) Dry Powder Inhaler (DPI) hman tur.
7. Inah tawmim tlatin, hripui vei ve lote lakah inthiar fihlim a, chawlh hahdam tur.
8. Chhungkaw member tinin mask vuah ṭhat tur.
9. Boruak kaltlang ṭha thei turin tukverh hawn thawlèn tur.
10. Taksa lum dan leh oxygen level darkar 6 dana en tur.
11. Bialtu/viltu doctor-te hnenah mahni dinhmun hriattir fo.
12. Oxygen level 93% leh a aia hniam, thâwk lama harsatna/thawchham/luhai leh ni thum aia rei khawsik avanga temperature 100F leh a aia sang a nihin doctor ràwn tur.