KHAWTHLIR

Governor-in lawmthu sawi
Governor Hari Babu Kambhampati chuan, PM-DevINE kaltlanga hmarchhak state-te hmasawnna tur ruahman a ni leh Mizoramin hmasawnna ruhrel siamna tura project pahnih thawh nan cheng vbc. 600 a dawng tur chu lawmawm a tih thu a tarlang. Governor hian prime minister Narendra Modi hnenah lawmthu a sawina hi Twitter-ah a tarlang a ni.

Thisen pe
Nimin khan Serchhip College NSS leh Red Ribbon Club chuan nimin khan thisen pek huaihawtin, District Hospital tan thisen unit 25 an pe a, petute mipa 14 leh hmeichhia 11 an ni. Kolasib Diakkawn Branch YMA Vanapa Section pawhin Kolasib District Hospital-ah thisen unit 11 an pe a, petute mipa pakua leh hmeichhia pahnih an ni.

Tanpuina hlan
Formosa Foundation India chuan nimin khan Central YMA hnenah N95 mask 10,000 leh hmai khuhna (face shield) 10,000 an hlan. BSF, Mizoram & Cachar Frontiers-a BSF Wife Welfare Association (BWWA) president Pubali Sonowal pawhin nimin khan Bethel Centre, Chhûmliam kâwn, Lunglei a tlawh a, 199 BSF civic action programme kaltlangin sikul ipte leh ei tur eng emaw zat a pe.

Sikulah printer pe
AMC Ward-XVI councillor R Lalawmpuii chuan nimin khan a bial chhunga Education hmunhma leh hmalak dante enin College Venga sorkar Elementary Primary School a tlawh a, sikul hnenah printer a hlân. R Lalawmpuii chuan, mipuiin sorkar sikul an hnâwl mek chu siam ṭhat a ṭul thu a sawi.

Scheme hrilhfiah
Serchhipa hmunpui nei Assam Rifles chuan nimin khan Thingsai, Hnahthial district-ah sorkar laipui scheme-te inzirtirna hun an buatsaih a, kal khawmte chu Ayushman Bharat Yojna, Pradhan Mantri Garib Kalyan Yojna, Sukanya Samridhi Yojna leh sorkar programme/scheme dangte an hrilhfiah.