Covid-19 vangin mi 617 thi tawh

Nimin khan tlai dar 5 thlengin Mizoramah Covid-19 vanga thi an awm lo a, February 2, Thawhlehnia thi tarlan thar pahnih an awm thung a, natna dang nei tel ve ve an ni. Mizoramah hripui vangin mi 617 an thi tawh a, kumin February thla bikah mi pasarih an thi tawh.

February 2, Nilaini tlai dar 4 khan Ṭhasiama (95), Champhai Vengsang chu hripui vangin Champhai DCHC-ah a thi a; Covid-19 positive a ni tih February 2 vêka hmuh chhuah a ni.

Nilaini vek zan dar 7:20 khan Kapthangi (80), Chaltlang, Aizawl pawh hripui vangin an inah a thi a; Covid-19 vei a ni tih January 27, 2021 khan hmuh chhuah a ni tih sorkar thuchhuakin a tarlang.