BJP-in tawlh tawh lo turin ngen

BJP, Mizoram Pradesh chuan, chief minister Zoramthanga'n chhungkaw 60,000 tan Rs 50,000 ṭheuh sem a tiam leh tawh tih sawiin, Rs 50,000 bak chu tawlh tawh lo turin an ngen.

Nimina Mizoram BJP thuchhuah chuan, SEDP chu Mizoram budget aṭanga sem tur a nih vangin MNF party ta bik a ni lo tih sawiin, "CM-in campaign laia a sawi angin, in tinah Rs 3,00,000 sem tura a sawi tawh chu pha lo mah se, SEDP hi pawngsual lo tur leh fel taka hma la turin kan ngen a ni. CM hian hei bak hi chu Mizo mipui hmaah SEDP chungchang thu a sawi chu sawi danglam tawh lo turin kan ngen bawk," an ti.