Sorkar laipui sum ruahmanah ZPM party ṭhalaite an lawm

ZPM Ṭhalai chuan thuchhuah siamin, sorkar laipuiin Mizo­ram tan Prime Minister's New Development Initiative for NE Sheme (PMDivINE) hnuaiah Aizawl by-pass road leh bamboo link road siamna atana sum a pe chu lawmawm an tih thu an tarlang.

ZPM ṭhalaite chuan, February 1, 2022-a Union Finance minister Nirmala Sitharaman-i'n sorkar laipui budget a pharhah PM DivINE hnuaiah Mizoram tana bamboo link road laihna tur cheng vbc. 100 leh Aizawl by-pass road laihna tura cheng vbc. 500 ruahman a nih thu a puang chu lawmawm an tih thu an sawi a, "Sum hi ruahman a nihna ang takin a bo a bâng awm loa mipuite'n an chhawr ṭangkai tur atana hman a nih ngei kan beisei," an ti.

Sorkar laipuiin kum 2022-23 budget-ah India hmarchhakte a duhsak chu thil chhinchhiah tlâk tak nia an hriat thu an tarlang bawk.