Ward XVIII-in Property Tax return Veng tinah inzata insem an rêl

Aizawl Municipal Corporation (AMC) Ward-XVIII bialtu councillor Malsawmzuala Ralte hoin Ward Committee chu February 2, Nilaini khan Venghnuai YMA Committee Room-ah an ṭhukhawm a; AMC Property Tax return Rs 7,00,000 chu ward chhung veng tinah a inzat ṭheuha hman an rêl.

Ṭhutkhawm hi councillor Mal­sawmzuala Ralte-in a kaihruai a; AMC Property Tax return Rs 7,00,000 hman dan tur an sawiho a, ward chhunga veng tinin a inzat ṭheuhin chang se, hna thawh tur ruahmanna February 15, 2022 hmaa peih ni se, an ti. Hna thawhna tur sum chu veng tina LC kutah lut se, an ti bawk.

Ward Committee chuan member secretary atan H Lalhruaitluanga, Mission Veng Local Council member an ruat a ni.