Zin kawnga inthiarnate tifai

Green Mizoram Network (GMN) leh Swachh Bharat Mission (G), Aizawl Rural Watsan Division-te chuan, Inrinni khan Aizawl leh Aibawk inkara kawngpui kama inthiarna leh chawlhbûkte an tifai a, zin kawng vawnfai ṭulzia inhrilh­hriatna hun an buatsaih nghal.

Hnatlan ṭannaa inkhawm tawiah PHE superintending engineer Lalsanga chuan, sorkar hmmunhmáte chu a hmangtute vêkin an tibawlhhlawh ṭhin chu sim a ngaih thu a sawi a, "A neitu kan nihna anga thianghlim taka vawn hi kan tih tur a ni," a ti.

GNM president VL Hruaizela Khiang­te chuan, "Khawvel lum zel leh sik leh sa inthlak danglam mek hi ram changkangte chauh vei tur ni loin, Mizoram pawhin kan vei a hun hle tawh a ni," a ti a; sorkarin zin kawnga hahchawlhna hmun leh inthiarna hmun a siamte vawnfai chu mi tin mawhphurhna a nih thu a sawi.

Hnatlangah hian mi ṭhahnem tak an thawk chhuak a, Aizawl leh Aibawk inkara kawngpui kama chawlhbûkte leh zunram thiarna hmunte an tifai a ni.