World Heart Day pualin kawng zawh

National Programme for Prevention & Control of Cancer, Diabetes, Cardiovascular Diseases & Stroke (NPCDCS) buatsaihin September 29, Inrinni zing khan 'World Heart Day' pualin Vanapa Hall leh Millennium Centre inkarah kawngzawh, World Heart Day Walkathon neih a ni a, Health minister Lal Thanzara'n a hmanpui.

Kawngzawh tawpna, Millennium Centre kawta inkhawmah Health Minister chuan, Mizoramah tun hmaa hriat lâr loh lung natna - heart attack leh stroke-te a lâr thu a sawi a, "Natna inkai chhâwn theih loh Non Communicable Diseases (NCD)-te hi khawvela thihna zawng zawng 70% thlentu a ni tawh. NCD natnate hi kan nun danin a zir loh vanga kan neih a ni a, NCD vanga thihna zatve chu heart attack leh stroke vang niin, kum tin mi nuai 177-in an thihpui a ni," a ti.

World Heart Federation hmalaknain kum 2000 aṭang khan kum tin September 29-ah World Heart Day hman ṭhin a ni a, Mizoramah chuan kum 2016-ah hman ṭan a ni.