Tleirawl 47,081-in vaccine la tawh

Kum 15-17 inkarte hnenah January 3, 2022 aṭanga Covid-19 vaccine pek a nih hnuah February 5, Inrinni thleng khan Mizorama tleirawl mi 47,081 hnenah vaccine pek a ni tawh a, chu'ng zinga mi 254 chuan dose hnihna an la tawh.

February 5, 2022 thleng khan Mizorama mi 7,97,245 hnenah Covid vaccine dose 14,34,388 pek a ni tawh a, chu'ng zinga mi 6,17,226 chuan dose hnihna an la tawh a, dose hnihna la tawh hi dose khatna la tawh aṭangin 77.41% a tling.

February 5, Inrinni bikah chuan mi 258 hnen­ah Covid vaccine pek a ni a, dose khatna 59, dose hnihna 105 leh precau­tionary dose 93 a ni.

Kum 15-17 inkar mi 254 hnenah Covid vaccine dose hnihna pek a ni tawh a; chu'ngte chu Aizawl East-ah mi 54, Kolasib district-ah mi 43 leh Mamit district-ah mi 157-te an ni.

January 10, 2022 aṭangin healthcare worker, frontline worker, kum 60 chin chung lam leh natna benvawn nei, vaccine dose hnih la tawhte hnenah pre­caution dose pek ṭan a ni a, February 5, Inrinni thleng khan Mizoramah mi 19,917-in precaution dose an la tawh.