Red zone-a mite tan kaihhruaina siam a ni
Aizawl bawrhsap Dr Lalhriatzuali Ralte chuan Health & Family Welfare department-in inkaihhruaina a tihchhuah zûlzuiin red zone-a inkaihhruaina a tichhuak.
Bawrhsap chuan, khua/veng tina police, executive duty leh task force-te chu khauh taka inkaihhruaina kengkawh turin a hriattir a, hmun pawimawh laiah hrui pawt tur leh a khát tâwka veng chhung fang kual ṭhin turin a chah bawk.
Red zone-a luh leh chhuah phalte
1. DC pisaa thawkte
2. Damdawi lama thawkte
3. Home, HFW, Police, Home Guards & Civil Defence, Fire & Emergency Services, Disaster Management, Civil Aviation, Prisons, Excise & Narcotics, Municipal Services, Forest Field Works, PHE, IPR, P&E, FCSCA, IF&SL, ICT leh NIC department-a thawk
4. Legislative Assembly Secretariat, Court leh Judiciary-a thawk
5. Tui phur motor
6. Bawlhhlawh paih motor
7. Zirlai exam nei
8. DC leh incident commander-in phalna an pekte
9. Task force duty leh task force-in phalna an pekte
10. Office hnathawk red zone-a awmte chu a ṭul tàwpkhâwkah lo chuan chhuah loh tur. Chhuah ṭul an awm chuan an thawhna HoD-te detailment order an nei tur a ni
11. Ṭul bik thil leh dam lohna thila zin chhuak leh khaw chhunga lut turte chu incident commander/LTF/VTF-te'n phalna an pe thei