KHAWTHLIR

Thisen pe
Lawngtlai AOC Pastor Bial LIKBK Ṭhalai Pawl chuan February 5, Inrinni khan thisen pek an huaihawt a, Lawngtlai District Hospital tan thisen unit 38 an pe a, petute mipa 30 leh hmeichhia pariat an ni.

Delivery service
Lawngtlai bawrhsap Dr Andrew H Vanlaldika hoin sorkar, sumdawng leh tlawmngai pawl aiawhte chuan February 4, Zirtawpni khan Lawngtlai khawpuia delivery service tihchangtlun leh harsatnate sutkian dan tur an sawiho a, "Thil chah chungchanga customer-te hriat tur leh delivery agency-te inkaihhruaina chungchang tarlante chu mipuiin an hriat chian theih nan zau zawka puanzar ni se. Delivery chungchangah felfai zawka thil kalpui a nih theih nan ṭan lak thar ni rawh se," an ti.

SSU inkhawmpui
Students’ Self-Support Union (SSU) General Headquarters chuan February 6, 2022 khan Aizawl Press Club-ah Special Assembly an hmang a, MLA K Laldawngliana'n a hmanpui. Kum 2022-2024 chhunga SSU office bearer tur mi paruk an thlang a, president atan Darhmingliana, vice president-ah Johan Lalremruata leh secretary general atan Pc Lalawmpuia te an thlang.

Mangeshkar sûn
Nimin zinga Breach Candy Hospital, Mumbai-a Covid-19 vanga thi Kumari Lata Mangeshkar chu Mizoram sorkarin a sûn. Ministry of Home Affairs thuchhuak angin Mizoram sorkar chuan Lata Mangeshkar hi a sún a, sùnna lantir nan nimin leh vawiinah sorkar pisaahte hnam puanzar a ngun chanvea zar tura tih a ni. Sûnna lantir chhung hian sorkar huaihawt intihhlimna lam neih a ni dawn lo bawk a ni.

In sak sak
Sesawng Branch YMA chuan an huam chhunga hmeithai pakhat in tur hnatlangin an sak sak. In sak hna hi January 1 aṭanga February 3, 2022 chhung thawh a ni a, Assam type-in a duang feet 24 leh a vang feet 12 a zaua sak a ni.