Champhaiah kawngzawh a ni ; MZP-in lungawi lohna titawp

MZP headquarters, Champhai huaihawtin Champhai damdawi-ina doctor dah belh phûtin nimin khan Champhaiah zirlaite'n kawng an zawh. Hetih lai hian, Mizoram sorkar chuan nimin khan Champhai DIstrict Hospital-a awm tur doctor a dah belh avangin MZP-in lungawi lohna an lantir chu an titawp nghal.

Champhai MZP chuan, doctor specialist pahnih ophthalmologist (mit lam) leh orthopaedic (ruh lam) an ngiat tih sawiin, "Mizoram sorkarin Dr Zosangzuala, ophthalmologist dah turin notification a tichhuak hi lawmawm kan ti a, orthopaedic erawh Mizoram pumah pariat - MIMER-ah pahnih, Aizawl Civil Hospital-ah pathum, Lungleiah pakhat, Kolasib-ah pakhat leh Siahaah pakhat an awm avangin lâk pên theih niin kan hre lo a, remchang hmasa bera Champhai min pe tur a inremna ziah a nih avangin lungawi lohna lantir kan titawp ta a ni," an ti.