ILP zir chiangtute'n an report sorkarah an thehlut tawh

Mizoram Police-in Inner Line Permit (ILP) zir chiang tura an ruatte chuan, tun hnai khan an zirchianna report chu Mizoram sorkarah an thehlut.

DGP Balaji Srivasatva hma­laknain Assam sorkarin National Register of Citizen (NRC) draft list a tihchhuah vanga Mizorama dan loa ram dang mi lut an awm lohna tura hmalakna chi khat atan, Mizoram Police chuan Mizoramin ILP a hman mekah him tâwk lo a awm leh awm loh zirchiangtu committee din a ni a, IGP chu chairman a ni.

Committee-te hi ni 21 chhunga an report thehlut tura tih an ni a; kawng hrang hranga ILP a him tâwk leh him tawk loh an zirchian hnuah, an report chu sorkarah an thehlut tawh a ni. An report aṭang hian sorkarin a ṭul a tih angin hma a la ang.