Inthlanah Serchhip bialah Zaichhawna a ding dawn

Zoramthar pawl chuan nimin khan Serchhip Bazara Jamela Restaurant-ah thuthar thehdarhtute kâwmin, Mizoram Assembly inthlanpui awm tura an candidate tur puanna hun an hmang a; Serchhip biala an candidate tur chu Zoramthar dintu Rev.Dr Zaichhawna Hlawndo a nih thu an puang.

Zaichhawna Hlawndo chuan, Zoramthar pawl chuan Mizoram inthlanpuiah MLA bial 40-ah candidate an siam dawn thu a sawi a; a nu pum chhunga a awm lai aṭang tawhin Zoram chhan­chhuak turin Pathianin a ruat tawh nia sawiin, Mizoram inthlanpuiah Serchhip khawpuiah indonaa Lalpa lama ṭang turin a ding dawn tih a sawi a ni.