PYD-in Social Work Day an hmang

UPC (North East India) ṭhalai pawl, Pentecostal Youth Department (PYD) chuan nimin khan Social Work Day an hmang a, Mizoram hmun hrang hrang leh hmarchhak biala an dinnaahte van­tlang tana thil ṭha tihna hun an hmang.

Social Works Day hi Aizawlah chuan City PYD bultumin Aizawl Civil Hospital-ah hman niin, damdawi-in leh a chhehvelte an tifai a; ṭhutthleng sei eng emaw zat an pe bawk. Hnatlangah hian Aizawl City area-a UPC pastor bial 15 aṭangin PYD member-te an thawk chhuak a ni.

Lunglei khawpui chuan Lunglei Town Area PYD hmalaknain Convention Center-ah hawnna inkhawm hman a ni a, chumi hnuah Kikâwn leh AOC inkarah tuihâwk luan kawrte leh kawngpui kama bawlhhlawhte an thianfai a ni. Thingtlang lama PYD-te pawhin van­tlang hmun pawimawh thenfai hnatlang an nei bawk.

PYD rorelna sang, General PYD Conference chuan kum 1999 khan Social Work Day neih ni se tiin a rel a, kum 2000 aṭangin October 2-ah Social Work Day hi an hmang ṭhin a ni.