Excise-in zu siamna hmun tichhia

Excise & Narcotics department (END)-a Anti-Narcotics Squad chuan nimin khan Phunchawng leh Rangvamual dái velah zu siamna eng emaw zat an tichhia a, Tuirialah heroin gram 290 (hawng 20) an man bawk.

END Anti-Narcotics Squad hian Mizoram inthlanpui muanawm taka a awm theih nan beihpui (special drive) an nei mek zel a; chumi kal zelah chuan nimin chawhnu dar 2 vel khan Tuirialah heroin gram 290 leh a neitua puh - Lalchhanmawii (38) d/o Lalvunga, Zonuam, Aizawl leh Lalhmachhuana (18) s/o Tawklinga, Champhai Kanan Veng nia insawite an man a ni.

Excise & Narcotics department enforce­ment-te chuan nimin khan Phun­chawng leh Rangvamual dai velah dan phal loha zu siam dap chhuah beihpui an thlak chhunzawm a; rakzu bilh lai zém 85 (ṭin 2,550) an tichhia a, rakzu litre 150 leh zu siamna bél eng emaw zat an man bawk.