Chakma candidate lo turin NGO-in party-te ngen nawn

NGO Coordination Committee chuan, August 18, 2017-a Mizo­rama political party hrang hrangte hnena ziaka ngenna a lo siam tawh angin, Mizoram general election lo awm turah Chakma candidate nei lo turin political party zawng zawng an ngen nawn leh tih an puang.

Joint NGO thuchhuah chuan, "Ram leh hnam rilru pû a, ram leilung fa nihna nei lo, Chakma candidate siam lo hram turin NGO Coordination Committee meeting, October 2, 2018-a neih chuan Mizorama political party zawng zawngte a beiseiin a ngen a ni," an ti.

NGO Coordination Committee-ah hian YMA, MUP, MHIP, MZP leh MSU-te an tel a ni.