Tourist Lodge thar hawng

Mamit district-a Rajiv Nagar-a tourist lodge sak thar chu nimin khan Tourism minister John Rotluangliana'n a hawng. Minister chuan, lodge chu neitu thinlung púa building chhiat leh ṭhat thuah uluk taka enkawl turin a chah.

Tourist Lodge hawn tâk hi Mizo pa chhiara chhawng thum a ni a; cheng nuai 154.48 sénga sak a ni.

Tourism department-in Tlabunga tourist lodge an sak thar pawh nimin khan bialtu (West Tuipui) MLA Nihar Kanti Chakma-a'n a hawng. Tlabung Tourist Lodge hi Infrastructure Development of Desti­nations and Circuit scheme hnuaiah Septem­ber 30, 2013-ah sak ṭan niin, August 13, 2018-ah sak zawh a ni a, a sak nan cheng nuai 484 chuang sên a ni.