Bairabi WSS hawn a ni

Non Lapseable Central Pool of Resources aṭanga sum hmuh nuai 490.37 sênga siam, Bairabi Water Supply Scheme chu nimin khan bialtu MLA PC Zoram Sangliana'n a hawng.

PC Zoram Sangliana chuan, Bairabi tui lâkna hawn a ni ta chu thil lawmawm tak a nih thu sawiin, "Khaw mipuite tan malsawmna a thlen ngei ka beisei. Tui lakna hmunhma hi a tichhe theitu hrang hrang lakah vawnhim a pawimawh," a ti a; neitu thinlung pú a, ram ngaw, nungcha leh tui hnate chu humhalh tlat turin kalkhawmte a chah.

Bairabi WSS siam hna chu February 2012-a thawh tan a ni a, kum 2042 thleng mi 9,000 hnenah ni tin tui litre 70 pe thei tura ruahman a ni.