Hmun pahnihah heroin man

8th Assam Rifles, 17th Assam Rifles leh Excise & Narcotics department mite chuan nimin khan hmun pahnihah heroin gram 503 an man.

Excise & Narcotics department mite chuan nimin zing dar 9:45 khan Rangvamual Mel 3-ah heroin gram 11 an man a; a neitua puh - Mika Vanlalmalsawmpuia (20) s/o R Lalnunsanga leh, Lalchhanhima (56) s/o Rokhuma (L), Rangvamual Mel 3-a khawsa ve ve nia inchhálte an man nghal.

Nimin vek chawhma dar 10:30 khan Bulfek­zawl, Champhai district-ah TATA Yodha pick-up MZ-04A 6061 aṭangin 8th Assam Rifles, 17th Assam Rifles leh Excise & Narcotics department mite'n heroin gram 492, Rs 1,96,80,000 hû an man a, a neitua puh Lalrema (48) s/o Seldinga, Champhai Zotlang nia inchhál an man bawk.