Lungdaia ZPM pisa hawng

Zoram Peoples' Movement (ZPM) chief ministerial candidate Lalduhoma chuan nimin khan Lungdai khuaa ZPM Election Office a hawng a; party hrang hrang aṭangin ZPM zawm thar mi 26 a lawm lut niin ZPM thuchhuah chuan a tarlang. ZPM pisa hawnnaah hian Tuirial constituency viltu Andrew H Thangliana pawh a tel a ni.

ZPM chuan, Mizoram Maxi Cab Owners Asso­ciation (MMCOA)-in October 3, 2018 aṭanga tiam chin awm loa lungawi lohna an lantir chu âwm an tih thu leh an thlàwp tlat thu sawiin, "Awlsam taka mipui leh lirtheia eizawngtute harsatna siam loa chinfel theih a nih laia Mizoram sorkarin mipui harsatna tawh tur hre reng chunga a thlentir fo hi a demawm kan ti tak zet. MMCOA harsatna hi rang taka chinfelsak turin Mizoram sorkar kan phût a ni," an ti.