Health Minister-in kháwl thar a hawng

Mizoram Institute of Medical Education and Research (MIMER) leh State Referral Hospital-a intensive care unit (ICU), blood bank, oxygen generating plant leh bio-medical waste incinerator plant thar chu October 4, Ningani khan Health minister Lal Thanzara'n a hawng.

Health Minister chuan, teaching hospital tihchangtlunna tura hmalaknate hlawhtlinnna a awm zel chu lawmawm a tih thu sawiin, "Aizawl Civil Hospital-a kan ICU neihte hi kan inchan lo nasa hle a, State Referral Hospital ICU-a khum 20 awm belh tur hi Zoram mipui tan a ṭangkai hle dawn a ni," a ti a; CT Scan leh MRI thar bun mek a nih thu a sawi.

Bialtu MLA KS Thanga chuan, Mizorama medical college ngeiah Mizo ṭhalai doctor zirlai ṭhahnem tak hmaa thu sawi theia a awm chu lawmawm a tih thu a sawi a, "Hmasawnna ropui tak a ni. Hospital aṭang­-

a bawlhhlawh chhuak hrang hrang sawngbawlna tur khawl ṭha tak tak kan bun ta hi heti lai khawtlang tan a thlamuanthlakin a lawmawm tak zet a ni," a ti.

State Referral Hospital ICU-ah hian khum 20 awm­in, cheng nuai 290 sênga siam a ni a, blood bank chu cheng nuai 360 sénga siam niin, oxygen generating plat chu cheng nuai 190 man a ni. Medical waste incinerator plant chu cheng nuai 300 man a ni bawk.