CADC ṭhiah duhzia lantir nan YMA-in kawng an zawh dawn

Central YMA chuan Chakma Autonomous District Council (CADC) ṭhiah an duhzia lantir nan October 10, Nilaini hian Aizawl leh Mizoram khaw­pui hrang hrangah kawng­zawh an huaihawt dawn.

CADC ṭhiah an duhzia lantirna leh ṭhiat tura sorkar an phûtna tihlan nana kawngzawh hi Aizawlah chuan chawhma dar 11-ah ṭan tur a ni a, YMA branch hrang hrangte tel tura beisei an ni. CYMA chuan, Aizawla kawngzawh bakah, khawpui danga kawngzawhah pawh Mizo tawh phawt chu tel vek turin an sáwm a ni.

Vanglaini palai zawh­na chhangin CYMA Van­lal­ruata chuan, CADC ṭhiah a nih theih nana hma­lak chu YMA General Conference rorel a nih thu a sawi a; tunah chuan CADC chhungah Mizote an chêp hle tih sawiin, "Kan ram chhungah ngei Mizote'n in hmun kan nei thei tawh lo a, biak-in hmun pawh kan nei thei tawh lo a ni," a ti.