Krismas & kum thar ruaiṭheh loh rél
Aizawla kohhran ṭhenkhat chuan Covid-19 léng vangin kumina Krismas leh kumthar 2021 lawmna ruai ṭheh lo turin thutlukna an siam tawh.
Mizo Kristiante hunpui pahnih lawmna ruai ṭheh loh rél thlu tawhtu Bungkawn Presbyterian Kohhran chuan hriattirna an tihchhuahah, "November 14 chhuna Kohhran Committee ṭhukhawm chuan Covid-19 hripui léng mekin ziaawm lam a pan theih loh avangin kumin Krismas leh kumthar lawmna ruai chu ṭheh loh mai ni se, tiin a rél," an ti.
Bungkawn Kohhran hian Krismas leh kumthar lawmna atana thawhlawm lak khawm mek chu December 2020 thleng lâk chhunzawm turin an ti a, thawhlawm lut zawng zawng chu nakkuma Krismas leh kumthar 2022 lawmna atan an dah dawn a, kum 2021 chhungin hunpui lawmna tur thawhlawm an la khawm tawh dawn lo a ni.
Bawngkawn Presbyterian Kohhran chuan hriattirna an tihchhuahah, "November 14-a Kohhran Committee ṭhukhawm chuan Covid-19 léngin ziaawm lam a pan loh avangin kumin Krismas leh kumthar (2021) lawmna ruai ṭheh loh mai ni se. Krismas leh kumthar thawhlawm lâk khawm mek hi December 2020 thla thleng thawh chhunzawm zelin, nakkum atan bank-ah dah ni se," an ti.
Durtlang Presbyterian Kohhran leh Chaltlang Presbyterian Kohhrante pawhin kumin Krismas leh kumthar 2021 lawmna ruai ṭheh lo turin thutlukna an siam tawh nia thu dawn a ni bawk.