Lungleiah Azadi Ka Amrit Mahotsav

National Bank for Agriculture and Rural Development (NABARD) chuan February 7, Thawhṭanni khan Lunglei DC conference hall-ah Azadi Ka Amrit Mahotsav (AKAM) an buatsaih a, Lunglei DC Kulothungan A-in a hmanpui.

Kulothungan A chuan, kut hnathawktute leh mahni kutkawiha eizawngte dinhmun chawi kâng tura NABARD hnathawh chu ropui a tih thu sawiin, bank-te leh line department-te thawhhona ṭha tak chu chhawm nung zel turin a chah a, “District tihmasawn tura mawh­phurhna fawng vuantute in nih angin, in hmazâwn ṭheuhah uluk leh taima takin thawk zel u la, mipui hamṭhatna dah hmasa ang che u,” a ti.

He hunah hian NABARD leh bank hotu te, Agricul­ture, Horticulture, Fisheries, Soil & Water Conservation, Sericulture, Cooperation leh AH&Vety department bakah, AMFU Welfare Foundation, NEIDA, Vanapa Society, World Vision India leh Ainawn Self Help Group aiawhte an tel a ni.