BJP lawm

BJP Mizoram Pradesh president Prof. JV Hluna chuan nimin khan an party pisaah thu sawiin, Mizoram inthlan awm turah, Central lama an hruaitute'n Mizoram vil tura Himanta Biswa Sharma, Assam sorkara Finance & Health minister an dah chu lawmawm a tih thu a sawi.

Prof. JV Hluna chuan BJP chu India mi tu pawh tel theihna, sakhaw tih bik awm lohna a nih thu sawiin, "Mi lian leh tê thliar ve lohna party kan ni a, a neitu vek kan ni a, BJP chu mipui party a ni," a ti.