KHAWTHLIR

Larsapin hmanpui
Institute of Advanced Study in Education (IASE) chuan nimin khan an auditorium-ah ‘Capacity Building Programme for Teacher Educators in Construction Pedagogy’ an buatsaih a, an hun hmanpuitu governor Kummanam Rajasekharan chuan zirna hi kan ram hmasawnna atan ban pawimawh tak pakhat a nih thu sawiin, "Chumi atan chuan zirtirtute an pawimawh hle a ni," a ti.

HIV/AIDS awareness
Mizoram State AIDS Control Society (MSACS), Synod Social Front leh Hortoki Pastor Bial chuan October 6-8 chhung khan Hortoki bialah HIV/AIDS Awareness Campaign an buatsaih a, mipuite hnen­ah HIV.AIDS chung­chang thil chi hrang hrang an sawifiah. Nimin khan Hortoki Kohhran Sunday School Hall-ah free clinic neih a ni a, mi 200 chuang inentirin, a thlawnin damdawi an sem a ni.

DC-in hrilhfiah
Lawngtlai DC N Chakhai chuan nimin khan Lawngtlai khawpui chhunga political party hrang hrang hruaitute a pisa-ah a kawm a, Mizoram MLA inthlan lo awm tura Model Code of Conduct (MCC) puan a nih tak chungchanga hriat tur pawimawhte a hrilhfiah. Meeting-ah hian rualkhai tak leh inthlei bikna awm loa party tinin campaign an kalpui theih dan tur sawiho nghal a ni.

Thisen pe
Thingsulthliah Branch YMA chuan nimin khan an YMA Hall-ah blood donation camp an huaihawt a, Aizawl Civil Hospital tan thisen unit 61 pein, a petute mipa 56 leh hmeichhia panga an ni.

Silai khuahkhirh
Lunglei DC leh Ser­chhip DC chuan thupek chhuahin Mizoram MLA inthlan lo awm tura ralmuang taka inthlanna a awm theihna atan an district huam chhunga silaite khuahkhirh a nih thu tarlangin, "Tumahin an keng chhuak tur a ni lo," an ti. Thupek hian security personnel leh magistrate-te a huam lo. Lunglei DC thupek hian hian December 11 thleng huamin, Serchhip DC thupek hian thla hnih chhung a huam thung.