SAY din champha lawm a ni

Salvation Army Youth (SAY) chuan nimin khan an din champha vawi 64-a an hmang a, corps leh society hrang hranga SAY-te chuan Territorial Headquarters aṭanga inkaihhruaina siam angin vantlang tana thil ṭha tihna hun atan an hmang.

SAY Rising Day pual hian corps hrang hrangte chuan an awmna khua/vengah vantlang/khawtlang tana thil ṭha tihna hun an hmang a, thisen pe an awm bakah, awmni khama intihhlimna hun hmangte pawh an awm. Nizan khan Rising Day pualin hun an hmang bawk.

SAY rawngbawlna hi October 8, 1954-ah Calcutta Territorial headquarters ruahmannain Saituala ṭhalai khawmpuiah ṭan a ni a, April 21, 1971-ah Chaltlang corps-ah division huapin Torchbearer Group Movement (TGM) din a nih thu puan a ni. TGM tih chu January 10 & 11, 1981-a Youth Congress neih ṭumin Young Crusaders tiin a hming an thlak a; Young Crusaders tih chu October 7, 1994-ah Salvation Army Youth tiin an thlak leh a ni.