Balu latu dawr pawisa chawitir

All Mizoram Cement & Iron Rod Dealers Association (AMCIRDA) chuan thuchhuah siamin, Raju, Lailapur truck hmanga tun hnaia balu latu, Bawngkawna balu zuar dawr pakhat chu November 14, Inrinni khan Rs. 30,000 an chawitir thu leh thla khat chhung balu zuar lo tura an hriattir thu an tarlang.

AMCIRDA tarlan danin, Raju-a, Lailapur chu Mizoram luhka kawngpui Lailapur-a dannaa a bul tumtu ber a nih avangin sumdawnpui lo turin an inchah tawh a ni. Bawngkawna balu dâwr pakhat neitute chuan, balu phurhna truck chu Raju-a ta a ni tih an hriat loh thu an sawi a, AMCIRDA hnenah thupha an chawi. AMCIRDA chuan action an la ta tho a ni.

Mizoram Automobile Workshop Owners Association (MAWOA) pawhin Mizoram leh Assam ramri buai vanga kawng dan pinnaa a meizang hlaptu Raju-a lirthei, Mizoram registration neite chu an member tu mahin siamsak lo tur leh, kawng laka a chhiat pawha siam tura kal lo turin an inhriattir a ni.