Children's Day hman a ni

November 14, Inrinni kha Children's Day a ni a, he ni pual hian Mizorama hmun ṭhenkhatah hun hman a ni.

Aizawl District Child Protection Unit (DCPU) chuan Children’s Day pualin Child Friendly Covid Care Centre, Durtlang BSUP-ah naupangte mamawh tur thilpek chi hrang hrang an hlân. DCPU protection officer Lalrempuii Fanai chuan, naupangte tih hlimna turin card chi hrang hrang leh ei leh in turte a hlan a ni.

Aizawla Child Friendly CCC hi Mizoram sorkarin October 27, 2020-ah a siam a; Inrinni khan naupang kum 12 hnuai lam mi 18 leh tleirawl kum 13-18 inkar mi 63 awmin, an vaiin naupang 81 an awm a ni.

Children's Day hi Siaha DPCU leh Beti Bachao Beti Padhao pawhin NSV Studio, Siahaah an hmang a, Siaha SDC N Lalzarzova'n a hmanpui. He hunah hian DCPU ambassador Ephesi Hlychho-in Children's Day pualin kal khawmte thutiam (pledge) a chhampui a ni.