Zirlai lawmna hun hmang

Pang Zirlai Pawl (PZP) chuan November 14, Inrinni khan MZP conference hall-ah Freshers Social cum Felicitation buatsaihin, Aizawla an member tharte lawmna leh zirlai pass tharte lawmpuina hun an hmang a; minister of state Lalruatkima leh MJA president Zonunsanga Khiangte ten an hmanpui.

Hun hmanpuitu pahnihte hian fuihna thu an sawi a; minister Lalruatkima'n PZP member B.Th, BD, MA, MCA pass thar pakhat ṭheuhte bakah, pawl 10 zirlai mi pasarih leh pawl 12 zirlai mi 10 hnenah lawmpuina thuchei a hlân a ni.