Veng fai ber Republic VT

Aizawl Municipal Corporation (AMC) chuan nimin khan an auditorium-ah October 2-a hman ṭan Faina Hapta khârna inkhawm an buatsaih a, Aizawla veng fai berah Republic Vengthlang thlan a nih thu an puang.

AMC Faina Hapta khârna inkhawmah hian UDPA director Joseph H Lalramsanga khuallian a ni a; khuallian chuan, faina chu kumtluana kenkawh tur a nih thu leh Aizawl chu fai viau tawh mah se, ṭan lakna tur tam tak a la awm thu a sawi a, "A langa fai mai ni lo, a lang lo lamah pawh fai a pawimawh. Fai pawimawhzia hi naupangteah nasa lehzuala kan zirtir a ngai a ni," a ti.

Faina Hapta khârnaah hian Aizawla veng fai leh office leh sikul fai thlanna result puan niin, lawmman sem nghal a ni a; veng fai pakhatnain Rs. 1,00,000, pahnihnain Rs. 70,000 leh pathumnain Rs. 50,000 an dawng. Office fai leh sikul fai pakhatnate'n Rs. 5,000, pahnihnain Rs. 3,000 leh pathumnain Rs. 2,000 an dawng thung.

Fai lawmman dawngtute
VENG FAI
1-na Republic Vengthlang
2-na Laipuitlang
3-na Mission Vengthlang
OFFICE FAI
1-na Governor's Secretariat
2-na Fire & Emergency Services
3-na Mizoram Pollution Control Board
SIKUL FAI
A) High School
1-na KM High School
2-na Bethlehem High School
3-na Mizo High School
B) Middle School
1-na Chaltlang Middle School
2-na Salem Veng Middle School
3-na Mission Vengthlang M/S
C) Primary School
1-na Complex Primary School
2-na Rev. Thianga Primary School
3-na Sakawrtuichhun Primary School