KHAWTHLIR

BRO hotu leh Larsap inkâwm
General Border Roads (East) additional director general Umesh Chandra Mehta chuan chuan nimin khan Governor Kummanam Rajasekharan a kâwm a, Project Pushpak hnathawh leh hmachhawpte a sawipui. Governor chuan, Project Pushpak hnathawh hrang hrang a fak a, thawhhona ṭha zawk a awm zel a beisei thu a sawi.

Kerala tanpui
Mizoram Rural Bank-a thawk mi 383 chuan Kerala tuilian tuarte ṭanpuina atan an ni khat hlawh an thawh khawm a, Rs. 6,37,282 an hmu chhuak. An sum hmuhte hi Kerala-a a mamawhte hnenah pek a nih theih nan nimin khan Chief Minister's Distress Relief Fund of Kerala-ah an chhung lut.

Mizo Israel Identity
Zaithanchhungi (L), Electric Veng lehkhabu ziah, 'Mizo Israel Identity' tih chu nimin khan Govt. Aizawl College confernce hall-ah Margot Crossing, board member, Commomwealth of Israel leh Lost tribe of Israel resercher-in a tlangzarh.

Kawng khâr dawn
Mission Veng Bazar - Lungli tuikhur - Republic Veng kawng, Upa Chalhnuna Road chu vawiin zing dar 9 aṭangin siam a ni dawn a, hei vang hian kawng siam chhung chu he kawng hi khâr a ni dawn.

Hriatthiam ngen
Mizoram sorkar chuan thuchhuah siamin, Department of Information & Communication Technology (ICT)-in Mizoram sorkar department, office leh public sector undertaking website an dahna WEB-Server chu mamawhna avangin Cloud Infrastructure thawm ṭhat hna a thawk mek avangin website tlawhtute tan a harsatna awm theiah ICT department chuan mipuite hriatthiamna an ngen thu an tarlang.