State Level PMEGP Exhibition buatsaih

Mizoram KVI  chuan nimin khan Skill Development Training Centre, Lungleiah State Level PMEGP Ex­hibition an buatsaih ṭan a, October 18, 2018 thleng a awh ang.

Exhibition hawn inkhawm hi Mizoram KVI Board chief executive officer Kaisang­zuala'n a kaihruai a; Exhibition hawngtu Lunglei SDC Dr Peter Malsawm­tluanga chuan, PMEGP hmanga Mizo thil siam chhuah pholanna leh hralhna hun buatsaih a ni chu lawm­awm a tih thu sawiin, enterprenuer-te chu mi dangte entawn tlaka thil siamtu ni a, eizawnna kawnga hma latu leh product ṭha tak tak siama Mizoram sum leh pai dehchhuahnaah ṭangkai tak ni ṭheuh turin a fuih.

PMEGP Exhibition hi Mahatma Gandhi pian champha vawi 150 pual­a buatsaih a ni a, stall 32 hawn a ni.