Harsatna siam lo turin hriattir

Lawngtlai bawrhsap Dr Andrew H Vanlaldika chuan November 14, Inrinni khan thupek chhuahin, Lawngtlai district-a village task force (VTF)-te chu Covid-19 kaihhnawiha mipui chêtvelnaah harsatna siam zawnga thil kalpui lo turin a hriattir.

Lawngtlai DC chuan, Mizoram chhung khaw dang aṭanga Lawngtlai district-a haw leh lutte aṭanga Covid-19 an vei lo tih finfiahna, Covid-19 free certificate phût leh khung hran (quarantine) ṭhin chu ti tawh lo turin VTF-te a hriattir a; hripui chungchanga rinhlelhawm leh pawimawh bik a awm a nih chuan anmahni bialtu incident commander-te hriattir hmasa tur leh, khua/veng bila lockdown puang mai lo turin a chah bawk.