KHAWTHLIR

ZPM intuaithar
Ṭangrual pawl, Zoram Peoples' Movement (ZPM) aṭanga bial vil tura ruatte tan nimin khan thlarau lama intuaitharna hun, Mosia Picnic Spot, Sihhmuiah buatsaih a ni a, Rev. Vanlalbela leh Rev. Lalzuithanga ten thu an sawi.Intuaitharna hunah hian thupui hrang hrang pali - 'Mizoramin rorelna ṭha kan mamawh' tih te, 'ZPM inpumkhtana leh chak theih nan' tih te, 'Hnehna chu Lalpa ta a ni,' tihte leh, 'Mahni inbun ruah a ngai' tihte hmangin Rev. Vanlalbela leh Rev. Lalzuithanga ten thu an sawi a; ZPM aṭangin bial viltute bakah hruaitute an tel ṭha hle.

President-ah la lut
Serchhip District Scouts and Guides Association chuan nimin khan Serchhip DC Sangchhin Chinzah chu a pisaah an president atan an la lut a, assistant state commissioner (G) Liansangluri'n investiture ceremony a neihpui nghal a ni.

Hriatthiam ngen
Mizoram Treasury Accounts Service Association (MTASA) chuan thuchhuah siamin, vawiin hian inkhawmpui an hmang dawng tih an tarlang a, "Treasury Office-a thawkte an tel ve dawn avangin Mizoram hmun hrang hranga Treasury Office-ah dawr tur mumal an awm dawn lo, mipuite hriatthiamna kan ngen a ni," an ti.

Puang dawn
Mizoram Pradesh Congress Committee (MPCC) chuan vawiin chawhma dar 11 hian Lal Thanhawla Auditorium-ah kumin Assembly inthlan lo awm tura an party official candidate turte an puang dawn. Thu dawn danin, MPCC hian kumin inthlanah hian bial awm zawng zawngah candidate an nei dawn a ni.

SVEEP icon
Chief electoral officer SB Shashank chuan nimin khan a pisaah Mizoram inthlanpui atan Systemic Voters Education and Electoral Participation (SVEEP) state icon atana ruat S Malsawmtluanga (Mizo zinga football lama sulsutu te zinga mi), Chhinga Veng a kâwm a; inthlanpui awm turah mipuiin hlawhtling taka vote an thlak theih nana thawhho dan tur sawipui. Inkawmnaah hian SB Shashank leh S Malsawmtluanga hian thawkho turin inremna an ziak nghal a ni.