Meilam sial ṭha turin mipui chah

Serchhip bawrhsap Nazuk Kumar chuan, lo/huan hâl leh kângmei ven chungchangah thupek a chhuah a, meilam/ mei kawng ṭha taka sial hmasa lo chuan lo, huan leh leipui hâl lo turin mipui a chah.

Nazuk Kumar chuan, lo/ huan hâl a hun leh dawn hnai tih tarlangin, "Lo leh huan kan vah bâk ram kan tihkan ṭhin avangin kan ram thing leh mau, ramsa, nungcha, lui tui leh tuihnate'n an tuar nasa em em a, kângmei avangin kan in leh lo, kan ro hlu leh kan nunna hlu tak pawhin a tuarin kan chán fo a ni," a ti.

Mihring nunna leh bungrua/ ro tana hlauh­awm tur kângmei tichhuak lo tur te, eirawng­bawlna, ran chaw chhumna leh intihlumna a tana hman thuk, meihawl, khawnvartui, gas, electric thuk, adt. te kângmei tichhuak thei zawnga chelek lo tur te, ramhnuaia meichhêm timit loa kalsan lo tur leh, March 15 aia tlai loa lo/ huan/ cha chhehte hâl vek turin Bawrhsap chuan district mipui a hriattir a ni.