Phawngpui tlawh khap rih

Lawngtlai bawrhsap Dr Andrew H Vanlaldika chuan, Phawngpui tlang leh Chhimtuipuia Lungmawi (Beino) tlawh khap a nih thu nimin khan a puang.

Bawrhsap chuan, Covid-19 vei an pun mek karah tunlai hian mi ṭhenkhatin Phawngpui tlang leh Lungmawiah intàwllênna hun an hmang ṭhin tih hriat a nih thu a tarlang a, hmun pahnihte tlawh khapna thupek zâwm lote chu dan anga hrem theih an nih thu a tarlang. Thupek hian Forest department duty, magistrate, police leh task force duty-te a huam lo.