Embassy of Israel hotute'n Lungleiah hmalakna an enfiah

Embassy of Israel hotute chuan nimin khan Indo-Israel Agriculture Project, Centre of Excellence for Fruits (COE), Haulawng Saichhoh hmuna mi tlawhin an enfiah. Lunglei COE project officer Hunlawmawma'n lo dawngsawngin, project hnuaia an hmalakna hrang hrangte hrilhfiahin a kawhhmuh.

Yair Eshel Embassy of Israel hotute chuan COE hnuaia hmalaknate chu fakawm an tih thu sawiin, "Tlang ram, duhthusama remchang leh ṭha ni lo mah se, a tlangpui thuin in hmalaknate kan hmuh hian chhuanawm kan ti. Amaherawhchu, thlai in chìn hrang hrangte hian beitu natna hrik a nei tih kan hmu a, hneh a nih theih nan mithiamte nen hmalakho a ṭul," an ti.

COE for Fruits Lunglei hi hmarchhak state-ah India leh Israel sorkar thawh dunnaa din hmasak ber a ni. Project hi Mission for Integrated Development of Horticulture hnuaiah cheng nuai 900 hmanga din a ni a, March 7, 2018 khan hawn a ni.