Aizawl dist-a khua/veng 80 Red zone-ah puan mek a ni

Aizawl bawrhsap Dr Lalhriatzuali Ralte chuan February 8, Thawhlehni zan khan Aizawl district-a veng leh khua 80 chu Covid-19 red zone-ah a puang thar a, February 4, 2022-a red zone puan aiin pathumin a tlem.

Red zone puan hian ni sarih zel a awh a, red zone puan thar hian February 15, 2022 zanlai dar 12 thleng a awh ang. Red zone tharah hian Muallungthu khuaah hripui vei rate sang berin 87.01 a ni.

Red zone-a puang tur hian incident rate chhût a ni a, ni sarih chhunga khua/venga mihring 1,000 zela chhûta Covid-19 positive mi 10 aia tam awmnate chu red zone-ah puan theih a ni. DC thuchhuak lo chuan red zone puan leh hlih phal a ni lo.